Abian da XIV. Fokatu Urola Garaia argazki lehiaketa. Aurten ere, ingurunearekiko kontzientziazioa bultzatzeko eta jasangarritasunaren kontzeptua zabaltzeko asmoarekin antolatu dugu elkarlanean UGGASAk eta Legazpi, Urretxu, Zumarraga eta Ezkioko udalek . Lehiaketaren helburua, gure eskualdea hobetzen lagunduko duten arazoen – eta hauek konpontzeko bideen- hausnarketa egiten lagunduko duten irudi onenak saritzea izango da.
Aurtengo gaia nekazal kultura da eta baserriaren munduaren egoera jasotzen duten irudiak ateratzeko eskatuko zaie lehiaketako parte hartzaileei.
